القائمة الرئيسية
أسعار العملات
اسعار الذهب
مواقيت الصلاة
amani
كاتب الموضوع
السبت, 20 شباط 2016, 22:58

~سويت عملية شفط دهون البطن بالليزر وهذي النتيجه ~

11,690

السلام عليكم يا بنات
اولا احب اديكم فكره عني انا بنت عندي 25 سنه مش تخينه بالعكس كل اللي يشوفني يقول رفيعه وزني 63 وطولي 163 بس عندي جناب ودي وراثه للأسف مهما بعمل رجيم مش بتخس المهم انا بقي اتعقدت في عشتي وقررت التغيير قاعدت ادور واسأل بس الموضوع خد مني سنين لحد ماربنا اكرمني واخدت القرار انا سمعت وقريت كتير علي الشفط باليزر  vaser liposuction واقتنعت بعد ماعرفت انه مالوش اثار ولا اضرار رحت عند دكتور مشهور واكدلي ان حالتي حالها الوحيد العمليه دي وسبحان الله القرار اخد معايا اسبوع

جهزت الفلوس واستخرت ربنا وحددولي معاد العمليه ورحت اعملها الكلام ده كان يوم الخميس اللي فات يعني من اسبوع رحت الساعه 10 الصبح طبعا صايمه قاعدت فالاستقبال عقبال مامضيت اقرارت انا وماما وماقلوكوش ماما كانت حالتها ازاي يلا الحمد لله المهم طلعوني الاوضه بتاعتي علي اساس اني هاستعد لحد مالدكتور يجي بيني وبينكم انا قلت ايه ده دي قلبت بجد ولا ايه المهم فات ربع ساعه لاقيت الممرضه جات وجايبه معاها قميص العمليات وقالتلي اقلعي قلتلها هااااااااااه !!!!!!!!! قالتلي يلا عملت زي الاطفال واتحججت طب لما الدكتور يجي عشان عاوزه اتكلم معاه قالتلي ماكيد الدكتور هايقعد معاكي ويتكلم  

دخلت قلعت بس فضلت بالملابس الداخليه  المهم جات واحده تانيه عشان تركبلي الابره اللي هايحطوه فيها المحاليل ويفتحوا فيها الوريد واخدولي عينة الدم  و جاني دكتور التخدير وسالني عدة اسالة و جاوبت عليها

بعد ساعة ظهرت نتيجة التحليل وكانت جيدة اوي و الحمد لله

المهم شويه ولاقت الدكتور جه قالي مستعده وراح وقالهم ابعتوها رحت الكلام ده كان الساعه 12 الا ربع دخلت العمليات  اطمنت بيني وبينكم المهم راح موقفني علي الحيطه وقعد يصور و يخطط بالقلم وانا مكسوفه المهم

لما فقت كانت الساعه 3:30 ملبسني كورسيه من تحت الركبه لحد تحت الصدر المهم قاعدوا يفوقوا فيه وعلائولي محاليل  لحد الساعه 7 وراح الدكتور جايبلي برطمانين ماليانين دهن وقالي مبروك العمليه نجحت الحمد لله

 انا كل ده وعادي حاسه  بدوخه  ووجع في رجليي وجع فظييييع ولا عارفه اقعد ولا انام يالهوي كان يوم صعب
عدا اليوم  و تحسنت و الممرضات خدوا بالهم مني و يدوني مسكنات في المحاليل و ساعدوني في المشي عشان

الدكتور طلب كدة عشان اتحسن ويخرجوني من  المستشفى و جالي الدكتور وكتبلي المضاد الحيوي و المسكن

وخرجت من المستشفى تاني يوم وانا عماله اتوجع وحاسه اني منفوخه ومنمله نسيت اقولوكم ان كان الاختلاف باين بعد ماخرجت وكانوا موصيني اني ماقلعش الكورسيه خالص حتى وقت النوم  اقلعو و قت الدوش بس و انشف كويس

وارجع البسو

بعد 5 ايام المهم مش قادره اوصفلكم الوجع ومش متخيلين مش عارفه اتحرك ولا انام ولا اي حاجه المهم عدت الايام وبعدها الالم بخف شوية  شوية

كان في  كدمات زرقه خفيفة والجلد لونه اصفر ومكرمش و فتحات صغيره يمكن اقل من سنتيمتر في كذا مكان المهم   كلمت الدكتور حاكتلوه قالي معلش عادي متخفيش انا النهارده اليوم السادس مش هاكدب عليكوا انا موجعه  هو جلدي بدأ يشد شويه  بس الحمد لله حاسه بفرق كبير خلصت من الدهون الي كانت مبوظالي جسمي و معكننة عليا

انا حبيت احكلكم تجربتي بالتفصيل عشان تبقوا عابشين معايا التجربه وهابقي اقولكم الجديد ادعولي

اهه تجربه وان شاء الله ربنا كريم استنوني تاني عشان اقولكم علي التطورات ……

11,690
الردود (1)
حضرتك عملتيها فين وكانت التكلفه قدايه وعملك شد الج
الأربعاء, 08 كانون الثاني 2020, 19:03

حضرتك عملتيها فين 

اضافة رد جديد
الاسم
إذا كانت هذه زيارتك الأولى فننصح بالتوجه الى {{ خصوصية المنتدى }}
  • يمكن لأي زائر الحصول على التسجيل والانضمام الى منتدى اصدقاء تركيا .
  • وينقسم التسجيل في المنتدى إلى قسمين {{ اذهب للتفاصيل }}

[ يمنع ] منعاً باتاً كتابة أي مواضيع هابطه أو  التشهير باشخاص او مؤسسات . " المنتدى للمنفعة العامة " 


منتدى اصدقاء تركيا هو منتدى شامل لجميع الفعاليات السياحية والصناعية والتجارية والخدمية في تركيا. 

كما ويهتم في المقالات في جميع المجالات التى تهم الزائرين العرب خاصة.

عرض تقارير مصورة  و الفيديوهات التسويقية حول تركيا نقاشات وتجارب في كل مايتعلق بتركيا
¡ التعليقات المنشورة لا تعبر عن الموقع ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

المزيد من المواضيع في تجارب عمليات التجميل في تركيا
الموضوع \ كاتب الموضوع المشاركة الأخيرة المشاركات المشاهدات
حمد
كاتب الموضوع
بواسطة : محمد
09/02/2020
2 4,335
salwa mut
كاتب الموضوع
بواسطة : salwa mut
06/11/2018
1 1,562
Luna
كاتب الموضوع
بواسطة : لمياء
06/05/2019
2 1,997
Manal farok
كاتب الموضوع
بواسطة : ام موسى
26/10/2020
3 2,072
يارا الرشيدي
كاتب الموضوع
بواسطة : مرام
28/03/2020
2 1,861
عرض المزيد
أقسام مشابهة
المواضيع : 351
المشاركات : 351
المشاهدات : 1,253,943
الأحدث : عملية الغمازات في اسطنبول على يد الدكتور اولكر ...
بواسطة : dr.ilkermanavbasi
10/06/2017
المواضيع : 51
المشاركات : 51
المشاهدات : 637,496
ADWHIT
© 2022
ADWHIT LOJISTIK
للشحن الدولي
ADWHIT SHOP
تسوق اون لاين